Бүгүн СӨ Үрдүкү суутун кэллиэгийэтэ (бэрэссэдээтэл Посельскай) Анатолий Чомчоевка саба түспүт Дмитрий Ермолов ааһынар үҥсүүтүн, саҥа састаабынан хаттаан көрөн, сиэрдээх быһаарыыны таһаарда. Санатар буоллахха, былырыын алтынньыга СӨ Үрдүкү суутун Окороков бэрэссэдээтэллээх кэллиэгийэтэ, Дьокуускай куорат суута Ермоловка таһаарбыт бириигэбэрин уларытан, саба түһээччини көмүскэнээччигэ кубулутан көҥүлгэ ыыппыта. Сыыһа быһаарыыны көтүртэрэргэ Чомчоев адвокаттара Кысылбаев уонна Жунусов үчүгэйдик үлэлээннэр, Владивосток куоракка баар 9-с Кассациялыыр суут сыыһа быһаарыыны көтүрэн төттөрү Үрдүкү суукка саҥа састаабынан хаттаан көрүүгэ ыыппыта.

Ол түмүгэр, бүгүн Үрдүкү суут кэллиэгийэтэ Дьокуускай куорат суута буруйданааччы Ермоловы үс сылга уопсай режимнээх холуонньаҕа ыытарга уурбут бириигэбэрин оннунан хаалларда. Кинини суут саалатыттан тутан илдьэ бардылар.

https://t.me/kyymsakha